ರಾಸಾಯನಿಕ ಪರೀಕ್ಷೆ ಬಳಿಕ ಕರ್ನಾಟಕದಲ್ಲಿ ರೂ.25 ಕೋಟಿ ಮೌಲ್ಯದ ಕಿಂಗ್ ಫಿಶರ್ ಬಿಯರ್ ವಶ.!Rs. 25 crore worth Kingfisher beer seized in Karnataka after the chemical test.

ಕರ್ನಾಟಕ ರಾಜ್ಯ ಅಬಕಾರಿ ಇಲಾಖೆ ಮೈಸೂರಿನಲ್ಲಿ ರೂ. 25 ಕೋಟಿ ಮೌಲ್ಯದ ಬಿಯರ್ ಅನ್ನು  ವಶಪಡಿಸಿಕೊಂಡಿದೆ ಎಂದು ಹಿರಿಯ ಅಧಿಕಾರಿಯೊಬ್ಬರು ಸುದ್ದಿ ಸಂಸ್ಥೆ ಪಿಟಿಐಗೆ ಬುಧವಾರ ತಿಳಿಸಿದ್ದಾರೆ. ಬಿಯರ್‌ನ ರಾಸಾಯನಿಕ ಪರೀಕ್ಷಾ ವರದಿಯು ಅದನ್ನು 'ಮಾನವ ಬಳಕೆಗೆ ಯೋಗ್ಯವಲ್ಲ' ಎಂದು ಲೇಬಲ್ ಮಾಡಿದ ನಂತರ ಈ ಕ್ರಮ ಕೈಗೊಳ್ಳಲಾಗಿದೆ.

ವರದಿ ಪ್ರಕಾರ, ರಾಸಾಯನಿಕ ಪರೀಕ್ಷಾ ವರದಿಯಲ್ಲಿ ವಿಫಲವಾದ ದಾಸ್ತಾನು ನಾಶಪಡಿಸುವಂತೆ ಅಬಕಾರಿ ಇಲಾಖೆ ಅಧಿಕಾರಿಗಳಿಗೆ ಸೂಚಿಸಿದೆ. ಜುಲೈ 17, 2023 ರಂದು ಯುನೈಟೆಡ್ ಬ್ರೂವರೀಸ್ ಲಿಮಿಟೆಡ್‌ನ ನಂಜನಗೂಡು ಘಟಕದಲ್ಲಿ ತಯಾರಿಸಲಾದ ಕಿಂಗ್‌ಫಿಷರ್ ಸ್ಟ್ರಾಂಗ್ ಬಿಯರ್ ಮತ್ತು ಕಿಂಗ್‌ಫಿಷರ್ ಅಲ್ಟ್ರಾ ಲಾಗರ್ ಬಿಯರ್ ( Kingfisher Strong Beer and Kingfisher Ultra Lager Beer ) ಬ್ಯಾಚ್ ಸಂಖ್ಯೆ 7C ಮತ್ತು 7E , ಹೆಸರುಗಳನ್ನು ಹೊಂದಿವೆ ಎಂದು ಜುಲೈ 28 ರಂದು ನಂಜನಗೂಡಿನ ಅಬಕಾರಿ ಅಧೀಕ್ಷಕರು ದೂರು ಸಲ್ಲಿಸಿದ್ದಾರೆ. ಆದ್ದರಿಂದ ಅವುಗಳನ್ನು ರಾಸಾಯನಿಕ ಪರೀಕ್ಷೆಗೆ ಕಳುಹಿಸಲಾಗಿದೆ. 

ಬುಧವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಮೈಸೂರು ಗ್ರಾಮಾಂತರದ ಅಬಕಾರಿ ಇಲಾಖೆಯ ಉಪ ಆಯುಕ್ತ ಎ ರವಿಶಂಕರ್, “ಆಗಸ್ಟ್ 2 ರಂದು ರಾಸಾಯನಿಕ ಪರೀಕ್ಷಕರಿಂದ ವರದಿ ಬಂದಿದ್ದು, ಎರಡೂ ಬ್ರಾಂಡ್‌ಗಳು (ಬ್ಯಾಚ್ ಸಂಖ್ಯೆ 7 ಸಿ ಮತ್ತು 7 ಇ) ಮಾನವ ಬಳಕೆಗೆ ಅನರ್ಹವಾಗಿವೆ ಎಂದು ಹೇಳಿದರು. ವರದಿಯನ್ನು ಅನುಸರಿಸಿ, ಮುಂದಿನ ಕ್ರಮಗಳನ್ನು ತೆಗೆದುಕೊಳ್ಳುವಂತೆ, ಅಂದರೆ ಆ ದಾಸ್ತಾನುಗಳನ್ನು ನಾಶಪಡಿಸಬೇಕು ಎಂದು ನಾವು ಎಲ್ಲಾ ಡಿಸಿಗಳು ಮತ್ತು ಅಬಕಾರಿ ಡಿಸಿಗಳಿಗೆ ಪತ್ರ ಬರೆದಿದ್ದೇವೆ ಎಂದು ತಿಳಿಸಿದರು.